Турската полиција уапси уште тројца лица во случајот со смртта на германка и нејзините две деца, кои починаа од труење со храна додека беа на одмор во хотел во Турција. Уапсени се менаџерот и две лица кои вршеле дезинфекција во хотелот каде престојувале германските туристи. Со ова, вкупниот број на уапсени се искачи на седум.
Претходно беше уапсен сопственикот на хотелот, за кого беше утврдено дека има две кривични досиеја. Германката, нејзиниот сопруг и децата, на возраст од 6 и 3 години, биле однесени во болница откако се пожалиле на гадење и повраќање. Лекарите не можеле да ги спасат децата, а мајката починала два дена подоцна. Таткото е во критична состојба.
Истражителите открија дека неодамна било прскано со пестициди во собата на приземјето од хотелот.
