Пациентите со сложени срцеви аритмии повеќе нема да одат на лекување во странство.За првпат на Клиниката за кардиологија е извршен кардиолошки зафат кој се користи за лекување на опасни по живот аритмии што потекнуваат од срцевите комори. Тимот на кардиолози велат дека со оваа интервенција, Македонија се приклучува на мал број земји во регионот кои располагаат со услови и експертиза за третман на најтешките форми на срцеви аритмии.
“Со оваа процедура овозможуваме навремето и ефикасно лекување на пациентите со сите видови аритмии за кои досега дел од нив беа упатувани на третман во странство на товар на ФЗО”, рече Петкоска Спирова.
За овие комплексни срцеви аритмии, ФЗО досега издвојуваше повеќе 15 до 20 илјади евра по пациент за третман на истите во странство, бидејќи не беше возможно овие процедури да се прават во нашата држава.
Покрај успесите на кардиолозите за новата метода, надлежните соопштија дека досега се пријавени 25 сомнителни случаи за кардиохируршки интервенции кои треба да ги испитува Интерната Комисија во Министерството за здравство.
Експертите ја завршиле анализата на дел од случаите од медицински истории доставени од државните Кардиологија и Кардиохирургија, но засега нема да кажуваат во јавност што откриле додека не бидат испитани сите што стигнуваат до Комисијата. Се уште во истрагата не се вклучени тројцата странски доктори.
“Уште седум наоди треба да се анализираат. Знаете дека тие процеси бараат време. Прво тие експерти се и така во мал број за нашата земја. Освен оваа работа тие дневно имаат активности во амбуланта и операционите сали, затоа оваа динамика на работа не зависи од нас како Министерство, туку зависи од целиот експертски тим кои не се малку на број и се оптоварени со нивните секојдневни обврски со давање здравствени услуги на граѓаните”, посочи Алиу.
Претставките стигнуваат по аферата која ја обелодени Д-р Кедев дека се правеле непотребни операции само за да се направи профит на дел од клиниките во Македонија.
