Наредната есен треба да започнат градежните работи на новиот експресен пат што ќе го поврзе Радовиш со Бугарија, преку Струмица и Ново Село. 8 ми октомври ќе биде последниот рок, до кога консултанстски куќи ќе може да доставуваат понуди за изработка на предпроектната документација. Еколошкоите, социјални и физибилити студијата треба да бидат готови за шест до девет месеци, по што би требало да биде распишан тендер за изградба. Новиот експресен пат ќе се финансира со средства на Јавното претпријатие за државни патишта.
„Она што сакам да го кажам е дека ќе одиме со сопствени средства од ЈП за државни патишта. Јавното претпријатие е во добра кондиција, има добри приливи на средства и ќе можеме да го градиме овој проект, така што еве нека не е ветено, но ако се оди добро имаме добра постапка за избор сега прво на консултантска куќа, а после на изведувач очекувам до есента веќе да почнат градежните активности на терен што како што кажав ќе значи многу и да напоменам уште еднаш. Нема да одиме само до Струмица, туку ќе одиме до граница со Бугарија“, изјави Александар Николоски, вицепремиер и министер за транспорт и врски
Новиот експресен пат ќе отвори нова перспектива не само за Радовиш, туку за целиот југоисточен регион, посочи вицепремиерот Николоски, кој рече дека само во еден инвестициски циклус, преку Министерствоо за транспорт и врски преку различни проекти во Радовиш се инвестирани околу 240милиони денари. Покрај експресниот пат, на листата приоритети на Радовиш се уште неколку инфраструктурни зафати, за кои општината веќе има подготвено документација.
„Ние имаме повеќе проекти кои што ни се изготвени веќе проктната документација за кои што еве сега ќе разговараме. Тоа е булеварско решение на влезот од градот, уредување на кејот и дветет кејски улици покрај Радовишка река…. Во завршна фаза за некаде од еден месец се надеваме дека ќе го пуштиме и новиот градски пазар којшто е целосно финансиран од буџетот на општината, во вредност од 2милиони евра„ изјави Љупчо Почивалец, градоначалникот на Радовиш
Вицепремиерот Николоски заедно со градоначалникот Почивалец, ја посетија манифестацијата Самун ем Татлија, која веќе прераснува во традиција. Според николоски, ваквите настани придонесуваат и за развој на локалната економија
