За првиот човек на Комисијата за заразни болести Караџовски, граѓаните и натаму се највиновни за високите бројки. Непослушната односно не почитување на мерките, но и доцното одење на лекар е причината за ситуацијата во која се наоѓаме- вели Караџовски за Алфа.
“Народот помисли дека од почетокот на олабавувањето на мерките вирусот го снема, или одредени медиуми и луѓе дури и ИВЗ односно реисот Реџепи изјави дека корона вирусот умрел. Значи тоа е тотална измислица и неинформираност и тотално залудување на народот. Што е сменето, сменет е “ментижот” на народот.” – изјави Жарко Караџовски, епидемиолог.
Според Караџовски Македонија е пред голем предизвик со справување со епидемијата, но смета дека сега, не е време за ригорозни рестриктивни мерки, повторувајќи дека – “по нормалното секојдневие” е во рацете на граѓаните.
Меѓу другото признава дека освен што здравствените работници се на работ на издржливост, туку и се во голем недостиг.
“Ако ме прашате во моментот колку имаме капацитет? Сите инфективни одделенија во Македонија се исполнети околу 80 до 90 проценти исполнети. Како ќе му помогнеме на здравствениот систем ако сите заеднички не му помогнеме – со пари не може! Луѓе немаме. Имаме само 30-40 епидемиолози и педесетина инфектолози, имаме и пуломолози и тоа е се.“ – вели Караџовски.
Не се проблем граѓаните, туку системот. Невладините контра здравствените власти. Наместо голи обвинувања, неопходни се итни решенија, алармира невладиниот сектор.
“Не треба секогаш прстот да го вперуваме на граѓаните. Туку што превземала државата за да доведе до оваа ситуација за луѓето да не ги почитуваат мерките.” – вели Борјан Павловски од Здружението ЕСЕ.
Инаку, Македонија е во топ 10 во Европа и убедливо прва во регионот според бројот на починати од почетокот на пандемијата со регистрирани 203 жртви на милион жители. И покрај црните статистики и секојдневната трицифрена бројка на ново заразени во Македонија, засега здравствените власти не планираат враќање на рестриктивните мерки.
Ања Василева
