Најмалку 11 луѓе беа избодени со нож во супермаркет „Волмарт“, во американскиот град Траверс, во државата Мичиген.
Според информациите од локалните власти – шестмина од прободените се во критична состојба. Петте преостанати жртви, исто така, се со сериозни повреди, но ниту една од нив не е во животно-загрозувачка состојба.
Сите се хоспитализирани и добиваат медицинска помош.
42-годишниот напаѓач, кој употребил склоплив нож, се наоѓа во притвор. Тој и претходно ѝ бил познат на полицијата.
Шерифот на округот изјави дека сè уште не им се познати причините за нападот.
