Во изминатите 24 часа најногу дожд, 3 литри на квадратен метар наврна во Ѓуриште, а по 1 во Скопје-Петровец, Виница, Демир Капија. Највисока снежна покривка од 10 сантиметри, пак, има на Попова Шапка, 5 во Маврови Анови, а 1 сантиметар во Ѓуриште.
Утрово најстудено беше на Попова Шапка каде се измерени – 4 степени Целзиусови, -2 во Лазарополе, Маврови Анови и Крушево, 0 во Тетово, Охрид и Претор, 1 во Битола, 2 во Крива Паланка и Берово, 3 Виница, 4 Скопје-Зајчев Рид, Штип и Куманово, 6 Скопје-Петровец, Велес, Кавадарци, Демир Капија и Струмица, а најтопло беше во Гевгелија каде е измерена температура од 8 степени Целзиусови.
Според најавите од Управата за хидрометеоролошки работи (УХМР), времето денеска ќе биде променливо облачно со сончеви периоди. Ќе дува слаб до умерен ветер од северен правец, поизразен долж Повардарието. Максималната температура ќе биде во интервал од 8 до 15 степени Целзиусови.
Во Скопје ќе биде променливо облачно со сончеви периоди. Ќе дува слаб до умерен ветер од северен правец. Максималната температура ќе достигне до 12 степени Целзиусови.
