Вооружениот 14-годишен напаѓач, кој денеска отвори оган во училиште во близина на тајландскиот главен град Бангкок, првично ги застрелал своите баба и дедо во нивниот дом, пред да се упати кон училиштето, соопшти тајландската полиција.
Црниот биланс на пукањето е осум мртви. Напаѓачот бил ученик во деветто одделение, на возраст од околу 14 години. Во нападот тој убил пет наставници во училиштето и ранил најмалку 15 луѓе, од кои двајца се во критична состојба, вклучувајќи и ученици, по што извршил самоубиство. Според полицијата, пиштолот од девет милиметри што го користел му припаѓал на неговиот дедо.
Тајландскиот премиер изрази сочувство до семејствата на жртвите.
„Ова е навистина страшно, не требаше да се случи. Не само што ми е жал за жртвите, туку ми е жал што ова се случи“, рече тој и нагласи дека владата не им дозволува на граѓаните да поседуваат огнено оружје.
