Над 10 илјади празни работни места во државава, очајно се бараат продавачи и кленери. Младите неместо во рестораните и маркетите низ Македонија, сакаат да работат во поморските дестинации во Регионот и Европа. Продавници, трговски центри, ресторани, кафулиња, хотели и други услужни компании постојано бараат работници, но понудата не успева да ја следи побарувачката, покажуваат податоците на Државниот завод за статистика.
„Вардарскиот регион има најголема потреба од работници, односно од 2,28 проценти. Највисока стапка на слободни работни места од 4.94 % има во секторот Сместување и послужување храна, додека најмала е стапката во секторот Снабдување со електрична енергија, гас, пареа и климатизација, во кој изнесува 0.15 %“, велат од заводот за статистика
Освен во угостителството, забележлив недостаток на кадар има и во административниот сектор. Таму фалат скоро 5 процени работници. Побарувачка има и за шофери и градеженици, а има недостаток на работници и во трговијата и складирањето.
„Во трговијата на големо и мало биле регистрирани 2.067 слободни работни места, додека преработувачката индустрија има 2.174 непополнети позиции.“
Висината на платите секако игра клучна улога во потрагата по соодветен кадар. Кај малите и средните компании тој проблем е поизразен, затоа што работници бараат сигурност и подобри услови во поголеми компаниии. Ваквиот тренд е загрижувачки, особено ако продолжи и во наредниот период. Недостигот на работна сила може да биде сериозен предизвик за домашната економија во иднина и додека келнери и продавачи тешко се наоѓаат, во енергетскиот сектор ретко фали кадар. Статистиката открива дека недостигот на работниците е минимален во компаниите за снабдувањето со електрична енергија, гас, пареа и климатизација. Доволно вработени има и во јавната управа, образованието и здравствената заштита.
Бојан Таневски