Најмалку 20 луѓе се повредени во силниот земјотрес со јачина од 7,5 степени според Рихтеровата скала што вчера го погоди североисточниот брег на Јапонија и кој, според последните информации, предизвика цунами со бранови од околу 70 сантиметри.
Надлежните власти, поради јачината на потресот и опасноста од цунами, издадоа наредби за евакуација на околу 90.000 жители. Бранови со висина од 20 до 70 сантиметри се забележани во неколку пристаништа, соопшти Јапонската метеоролошка агенција.
