„Национална стратегија за соработка со дијаспората 2025 – 2030“ – петгодишен план за развој на соработката со иселениците и припадниците на македонското национално малцинство, претставен од првиот човек на дипломатијата Тимчо Муцунски. Министерот за надворешни работи вели дека македонската дијаспора е најголемата и најраспространетата мрежа која ја има нашата држава.
„Ова не е Стратегија напишана зад затворени врати, туку во партнерство: институции, експерти, организации, професионалци и, најважно, дијаспората. Таа значи дека Владата ги слуша вашите потреби, предлози и критики. Оваа Стратегија значи дека државата се менува кон модерна, дигитална, достапна и доверлива администрација“ вели Тимчо Муцунски, министер за надворешни работи
Она што не прави посебни надвор од нашите граници се културата, образованието и јазикот, министерот ја посочи културата како најсилниот дипломат на државата, бидејќи ја пренесува нејзината душа и идентитет.
„Образованието и јазикот се корените што мораме да ги зачуваме и унапредиме. Во време на глобални тектонски промени, токму јазикот и знаењето не прават да останеме свои. Јазикот е нашата татковина и оваа Стратегија ја штити нашата заедничка татковина за нашите поколенија. Исто така со Стратегијата ќе го зајакнуваме националниот идентитет на светската сцена и преку развој на спортот и спортската дипломатија“ вели Тимчо Муцунски, министер за надворешни работи
Претставници од дијаспората, граѓанскиот сектор и академската фела дебатираа на темите опфатени во Стратегијата која во наредните дена ќе биде отворена и за јавноста, и секоја заинтересирана страна ќе може да даде дополнителен придонес за нејзино понатамошно подобрување.
Давид Крстевски
