ВМРО-ДПМНЕ бара итна реакција од надлежните, откако во јавност излегоа снимките каде јасно се гледа односот на градоначалникот на Кичево и кандидат за нов мандат од ДУИ, Фатмир Дехари, кон жени вработени во општината. Членката на Извршниот комитет, Марија Митева, вели дека ова претставува скандал и срам за државата.
Според неа, навредите, понижувањето и злоупотребата на службената позиција се однесување кое не му доликува на човек, а уште помалку на градоначалник. Наместо пример на чесност и одговорност, гледаме ароганција, непочит и злоупотреба на моќта.
