Денес оддаваме почит на вековната традиција, култура и духовно наследство на влашката заедница, која претставува нераскинлив дел од општествениот и културниот живот во Македонија, стои во честитката на министерот за јавна администрација Горан Минчев по повод 23 Мај – Меѓународен ден на Власите.
-Власите со својата посветеност, труд и автентичност оставиле длабока трага во развојот на нашата држава, придонесувајќи во образованието, културата, науката, економијата и јавниот живот – се вели во честитката.
Министерот додаава дека наша обврска е заеднички да продолжиме да го негуваме мултикултурниот дух, меѓусебната почит и еднаквите можности за сите граѓани.
-Само преку зачувување на различностите ја зацврстуваме заедничката иднина и вредностите на демократското општество. Нека овој ден биде потсетник дека токму различностите не прават посилни, а заедништвото и меѓусебната почит се темел на стабилно и напредно општество – порача Минчев.
