На Македонија и е потребна сериозна реформа оти таа е клекната на колена, предупреди вечерва од прилеп претседателот на ВМРО ДПМНЕ Христијан Мицкоски. Тој повика на мобилизација на граѓаните и поддршка за 61 пратеник на ВМРО ДПМНЕ и Коалицијата на следните парламентарни избори. Мицкоски и неговите соработници во раководството на партијата ја продолжуваат теренската активност во рамки на кампањата „Важно е од тебе зависат промените“ со која ги скенира состојбите но и сака да слушне што им е потребно на граѓаните низ Македонија, за да се преточи во програмата на партијата.
Целта на оваа кампања, пред официјалната е преку комуникација со граѓаните да препознаеме и да видиме што им е важно на граѓаните, а тоа што им е ним важно ни е и нам, и тоа ќе биде дел од програмата затоа што таа програма на Коалицијата предводена од ВМРО-ДПМНЕ ќе биде програма на идната влада, бидејќи коалицијата сигурно победува и тоа е добрата вест што сакам да ја кажам, рече Мицкоски.
укажа дека е важно на следните избори да има историска победа на ВМРО-ДПМНЕ и Коалицијата предводена од партијата и како што рече „затоа што со идните потенцијални партнери, нема да разговарам на ниво на политика и концепти, затоа што за жал најголем дел од нив се темелат на лични амбиции“.
„Нам ни треба сериозна реформа, затоа што Македонија е клекната на колена, опустошена, опљачкана. Затоа потребно е Коалицијата предводена од ВМРО-ДПМНЕ да има 61 пратеник. Ние се бориме за 61 пратеник, победата е сигурна“, посочи Мицкоски.
Мицкоски посочи дека со народот ВМРО-ДПМНЕ во 2021 почна да ја пишува историјата откако партијата помина внатрешна катарза и го испиша оној резултат со огромна победа.
„ВМРО-ДПМНЕ успеа од позиција на опозиција да освои мноизнство градоначалници и тука почнавме да ја пишуваме истријата, но тоа не е доволно треба да ја зокружиме и потврдиме со победа на претседателските избори и победа на парламентраните со 61 пратеник“, кажа Мицкоски.
повика на обединување и упати апел до сите незадоволни од СДСМ и ДУИ да застанат со ВМРО-ДПМНЕ, бидејќи како што рече трета опција нема.
„Сигурен сум дека секакви политичари ќе ви се доближуваат и ќе ви ветуваат се, ве молам бидете внимателни затоа што ќе нема нова шанса. Следните избори се референдум за тоа каква Македонија сакаме и во каква Македонија сакаме да живееме. Не се сите исти ќе се обидуваат да ве убедат дека сите се исти, дека не зависи од вас. Тоа не е точно никој не победил народ“, порача Мицкоски.
