Македонија и Велика Британија постигнат билателарен договор за стратешко партнерство со Обединетото Кралство. Договорот преставува ново поглавје во односите меѓу двете држави и е клучна основа за блиска економска и политичка соработка. Деталите ги прецизираа шефовите на двете Влади Христијан Мицкоски и Кир Стамер во Тирана, на средба која се одржа на марфините на самитот на европската политичка заедница .
Двајцата премиери порачаа дека ова ја продлабочува добрата соработка помеѓу Македонија и Велика Британија и изразија огромно задоволство што двете држави ќе соработуваат во повеќе клучни области.
Навистина сум мошне возбуден што ќе можам да работам со Вас, што нашите две држави ќе можат да работат заедно бидејќи ние сме сојузници во НАТО, и со овој меѓувладин договор сигурен сум дека ќе имаме уште поголема билатерална соработка и ќе ги зацврстиме нашите врски. Со ова ќе се подобри не само искуството, туку и ќе се сподели искуството на Обединетото Кралство во тој дел на Европа. Сметам дека Балканот е навистина инспиративно место, и Ви посакувам топло добредојде во Вашата многу посилна улога во тој дел од Европа, рече Мицкоски.
Самиот договор според информации на Алфа , се преговарал повеќе месеци меѓу тимови од двете држави. Договорот е од огромно значење за Македонија бидејќи Британија важи за една од највлијателните политички и економски сили во светот.
Ова отвора поле за инвестиции од Обединетото Крластво како и можност за британска експертиза во Македонија.
Дополнително, соработката ќе опфати и засилен политички дијалог, како и координација во рамки на меѓународните институции и глобалните безбедносни предизвици.