Македонската економија е стабилна. Проекцијата за раст на БДП останува непроменета, Околу 3,5% до крајот на годината. Моментално во првиот квартал македонксата економија порасна за 3,3%. Според овој параметар, Македонија е меѓу првите десет земји во Европа. Според последните податоци на Евростат, растот на Македоската економија е за три пати повисок од кварталниот раст на ЕУ, кој изнесувал само 1%,. Нашиот раст е пак уште повисок и од растот на Еврозоната кој изнесува 0.8%. Премиерот Христијан Мицкоски порача дека Владата останува посветена на одржлива економија со тенденција на забрзување.
„Во однос на БДП претставува еден од најдобрите во Европа во овој момент, колку и да сакаат поединци да ја извртуваат вистината или сатирично да го пренесуваат сето тоа. Но за нив имам лоша вест. Македонија забрзува, Македонија победува и Македонија како многу пати во историјата ќе победи“, изјави Премиерот Хирстијан Мицкоски.
Очекувањата за растот на економијата се должи на низата инфраструктурни проекти. Изградбата на пругата кон Бугарија, автопатите во делот на Коридорот 8 и 10 Д, како и инвестициите во локалната инфрастуктура. На овие проекти се работи со силно темпо, па оттука и оечувањата дека вториот квартал ќе донесе уште подобри резултати. Клучно според Владата е парите за капитални проекти да се трошат според планираното. Во овој процес предничи министерството за транспорт каде реализацијата досега годинава е над очекувањата. За овој процес да стане уште поефикасен, Мицкоски вели дека е потребна релокација на средства што ќе се обезбеди со претстојниот ребаланс на буџетот кој треба да се најде на собраниска седница до крајот на месецов. Од Владата очекуваат и втората половина од годината да продолжи растот и преку зголемените инвестиции во општините. Со ребалансот на буџетот Владата очекува дека и во периодот што следува ќе има пари за нови проекти кои ќе бидат во функција на социјалниот живот на граѓаните на локално ниво.
