Евтини станови за тие што прв пат купуваат, намаленио де-де-ве, по 10 илјади евра за младите, укинување на персонален данок – многу е лесно да се даваат идеји кога сте во опозиција, но како после цели 7 години на власт не беше остварена ниту една од тие. И не се само економските мерки – СДСМ преку својата платформа „Твоја држава – твоја шанса“ нуди и предлози кои беа тема на разговор и додека беа на власт, како што се ветинг на политичари, радикална меритократија, анонимно вработување, повисоки плати, професионализација на дипломатијата и реформи на судството. Ветуваат големи промени во политичко-општествениот живот на Македонија, но критичарите прашуваат зошто сите овие ветувања од платформата не беа реализирани кога СДСМ беше на власт, и во време кога токму сегашниот лидер Венко Филипче беше министер и еден креаторите на политиките.
Изјава Бранко Героски – новинар
- СДСМ во последните 30 години, особено во седумте години на Зоран Заев беше во посиција да донесе значајни, крупни, реформски одлуки и да реши многу прашања кои останаа во тој период нерешени. И за ветингот во судството и за политичарите, и за еконоски прашања, концепти за вработувања, сето тоа беше на маса кога СДСМ беше на власт и клучното прашање е ако една екипа, една номенклатура на таа партија која е практично сијамски поврзана со претходната, а која не била способна да направи значајни промени, како тоа ќе биде способна откако ќе дојде на власт – вели Героски.
Во платформата на СДСМ се ветува европеизација на Македонија, дури и како што велат, силна одбрана на идентитетот. Прашањето е како тоа ќе го спроведат ако се има предвид дека во моментов филипче е еден од најгласните политичари во Македонија кој упорнмо бара да се прифати бугарската уцена за ставње на бугарите во уставот.
- СДСМ во 2021 година гласаше за една собраниска декларација за позициите на Македонија во спорот со Бугарија во евроатланскиот процес и СДСМ презеде обврска за почитување на историскиот континуитет на македонската нација, идентитетот, изворниот карактер на јазикот, проблемот е во тоа што од 2021 година во континуитет СДСМ работи целосно спротивно од тие преземени заложби – додава Героски.
Новата платформа на СДСМ беше усвоена на неделниот 32 партиски конгрес.
Срѓан Ивановиќ
