Градоначалникот на Општина Чаир, Изет Меџити, изврши увид во градежните работи на Кампусот на Универзитетот „Мајка Тереза“, каде одблизу ја следеше реализацијата на овој значаен проект за високото образование.
За време на посетата беше констатирано дека работите се одвиваат според предвидената динамика и дека кампусот од ден на ден добива сè појасна форма.
„Кампусот на Универзитетот ‘Мајка Тереза’ е инвестиција во знаењето, образованието и иднината на младите генерации. Задоволство е да се види дека овој проект напредува со добро темпо и дека полека се претвора во модерен универзитетски комплекс“, изјави Меџити.
Кампусот претставува еден од најзначајните образовни проекти во државата и ќе создаде подобри услови за студирање, научна работа и развој на идните генерации.
