Утре во Скопје ќе се одржи протестен марш „Марш за ангелите“, организиран од семејствата на загинатите во трагичниот пожар во клубот „Пулс“ во Кочани. Маршот ќе започне пред Обвинителството во Скопје во 12 часот и 5 минути, како симболика за задоцнетата реакција на институциите, ќе продолжи кон плоштадот „Македонија“ и ќе заврши пред Собранието.
Семејствата на загинатите продолжуваат да бараат одговори за насилната смрт на нивните деца, и ги повикуваат сите граѓани на Македонија да се приклучат на маршот и да ја поддржат нивната борба за правдата.
