На денешната прес-конференција, Валентин Манасиевски, член на ЦК на ВМРО-ДПМНЕ, постави низа прашања кон министерот за здравство Венко Филипче, поврзани со методите на работење што ги следи. Манасиевски го праша дали Филипче е воодушевен од поранешниот премиер Зоран Заев и дали учи од неговите практики, вклучувајќи го методот “евро за Вицето”, кој Заев го спомена за легализирањето на објектите во Струмица.
Тој нагласи дека Филипче, како ученик на Заев, можеби сака да ги применува истите методи и шеми кои го опустошија Македонија, потсетувајќи на промените во Кривичниот законик што беа направени за да се заштитат поранешните функционери од одговорност. Манасиевски истакна дека Филипче е послушник на Заев и дека со неговото делување продолжува да ја следи патеката на претходниот премиер.
