Македонија високо позиционирана според конкурентноста и иновациите. Сите македонски региони се рангирани во топ 20 во регионот, а најдобри резултати покажале скопскиот и југоисточниот регион – покажа истражувањето на Центарот за истражување и креирање политики и Фондацијата Конрад Аденауер. Главни двигатели на иновациите и знаењата се странските инвеститори кои користат високи технологии. Слабости се детектирани во недостатокот на кадар, особено инженери, продуктивноста и истражувањето и развој.
Министерството за дигитална трансформација активно работи во делот на иновациите и вешптачлката интелегенција, преку два иновациски хабови кои треба да го дигитализираат бизнисот.
Од фондацијата Конрад Аденауер велат дека неопходно е да се детектираат секторите кои се лидери во иновациите и кои имаат потенцијал да креираат развој на економијата.
„Знаеме дека има многу германски инвестиции, особено во автомобилската индустрија, но исто така знаеме дека тоа ќе се менува во наредните години, вклучително и во Германија.Тоа значи дека и овде, во Македонија, инвестициите и економијата треба да се приспособат на овие нови развојни текови“ – вели Даниел Браун – Конрад Аденауер.
Истражувањето ги опфати Македонија, Србија, Босна и Херцеговина и Албанија. Државите се оценуваа според 13 индикатори како продуктивност, знаења, иновации, истражувања и достапност на патенти.
