Македонија доби досега најсилни пораки од Тиват, она што посебно радува е што процесот на проширување постои и не е завршен, вели премиерот Христијан Мицкоски по Самитот ЕУ- Западен Балкан, каде оствари и билатерални средни со францускиот претседател Емануел Макрон и германскиот канцелар Фридрих Мерц.
Она што е добрата вест за државава и нон пејперот подготвен токму од Берлин и Париз, за кој Брисел веќе добил инструкции да го операционализира. Како што вели Мицкоски тој документ и таа реформа ќе значи почесто седнување на маса со европските лидери, но и ќе овозможува механизми, со кој земјите од регионот ќе имаат поголемо користење на одредени алатки.
-Ова е еден процес, а проширувањето си останува како друг процес. Почести состаноци кои што нема да бидат веќе на ниво на ЕУ- Западен Балкан, два пати годишно, еднаш во јуни, еднаш во декември. Од она кое што успеав да го заклучам е дека ќе имаме најмалку два пати такви состаноци, што секако е добро бидејќи ќе можете со луѓето кои што одлучуваат да разговарате и да креирате политики, да ја градите иднината заедно, изјави Мицкоски.
На средбите со Макрон и Мерц се разговарало и за спорот со Бугарија. Мицкоски јасно го пренел ставот на Македонија, дека уставни измени без јасен и предвидлив крај нема да има. Вели и едниот и другиот покажале особена заинтересираност, особено францускиот претседател и очекува интензивирање на разговорите на разговори на оваа тема.
-Ние не бегаме од разговори, дека ние сме подготвени да разговараме, подготвени сме да бараме решение. Но, видете непринципиелно е бидејќи ги слушав вчера изјавите, да се повикувате на почитување на човековите права, нели така кажа премиерот на Бугарија, а на бирото да ви стојат 14 пресуди од Судот за човекови во Стразбур и да не дозволувате и да не дозволувате македонската заедница во Бугарија да си регистира невладина организација, изјави Мицкоски.
Инаку со објавениот нон пејпер, Германија и Франција предлагаат нов пристап во политиката за членство, кој треба да овозможи побрза и подлабока интеграција на земјите аспиратни, уште пред полноправното членство. Во документот се нагласува дека целта за полноправно членство останува непроменета и дека постепената интеграција не треба да биде замена за членство. Според нон пејперот идејата е да се создадат дополнителни стимулации за побрз напредок на земјите кандидати.
Меѓу другите предлози се и привилегиран пристап до внатрешниот пазар, постепено добивабе статус на наблудувач во институциите на ЕУ, почести заеднички состанови со Европската Комисија и Европскиот Парламент, како и учество во одредени точки од дневниот ред на Своетот, но без право на глас.
Матеја Петровски
