Продолжува владината поддршка за уметниците и нивното творештво. Министерството за култура и туризам го објави повикот за финансирање на културни проекти од национален интерес. Повикот ќе трае до 30ти октомври а во рамки на владината политика за дигитализација, пријавите ќе се доставуваат исклучиво електронски, преку порталот за е-услуги. Апликациите кои ќе бидат доставени преку пошта ќе бидат одбиени. Поддржувањето на македонската култура е од особена важност за сликата на државата во меѓународни рамки.
„Овие конкурси ќе ги поддржат проектите што ја збогатуваат културната понуда, создаваат простор за нови креативни изрази и придонесуваат за меѓународната видливост на нашата култура“, изјави Седат Сулејмани, министер за култура и туризам
Предност ќе имаат сериозни и добро осмислени проекти со висок степен на одржливост. Целта е да се финансираат проекти кои ќе остават траен белег, а повеќе внимание ќе се посвети на помалите иницијативи во пограничните предели.
„Свесни сме за важноста на помалите иницијативи. Тие ќе продолжат да имаат свое место, особено кога покажуваат висок уметнички квалитет, иновативност и јасна поврзаност со локалните заедници.“
Од министерството истакнуваат дека државата стои цврсто зад своите уметници, институции и културни работници. Правните лица ќе можат да аплицираат на повикот со 4 проекти, додека физичките, со максимум 2 проекта. Целта е да се поттикне квалитет а не квантитет во културната понуда. Проектите ќе оценуваат со бодови, при што, најмногу – до 70 бода ќе се доделуваат за квалитетот на содржината.
