Технологискиот гигант Клаудфлер, кој управува со критична интернет-инфраструктура и обезбедува услуги за заштита и дистрибуција на содржини за околу една петтина од интернет-страниците во светот, се соочи со голем глобален прекин на мрежата од изутрината. Во прекинот беа погодени многу големи платформи: X, Чет ГПТ на Оупен Еј Ај, Спотифај, Канва и други.
Клаудфлер соопшти дека „видела скок на необичен сообраќај“ на еден од своите сервиси, што предизвикало погрешна рута на податоците низ нејзината мрежа, сè додека не се започнало со исправка. Оттаму велат дека продолжуваат со истрага за причината на скокот на сообраќајот и се прават дополнителни технички корекции.
Експертите предупредуваат дека ваквите падови ја изложуваат ранливоста на глобалната интернет-инфраструктура — мал број компании управува со огромен дел од интернет-содржината, што значи дека кога една од нив има проблем, ефектот е масовен. Во Македонија немаше интернет-пристап на огромен број на веб-страници.
