Потврда за неосудуваност, уверение за државјанство, извод од матична книга на родени, ова се само некои од документите кои кочанчани ќе можат да ги добијат без шетање по институции. Министерот за дигитална трансформација Стефан Андоновски заедно со градоначалникот на Кочани Влатко Грозданов го промовираа новиот центар за услуги, со кој тие велат значително ќе се олесни пристапот на граѓаните до нивните документи.
„Граѓаните ќе можат да добијат над 350 услуги коишто досега ќе требаше да поминат различни институции за да ги добијат или да аплицираат и да ја добијат услугата сами од нивниот мобилен телефон или лаптоп. Оние коишто немаат дома електронски уреди не знаат да ги користат не сакаат да ги користат сега имаат можност на едно место воцентарот за услуги во Кочани да добијат потврди за неосудуваност“, изјави Стефан Андоновски, министер за дигитална трансформација
За некои документи жителите од помалите градови во Македонија, досега требше да патуваат во главниот град. Но со центрите за услуги кои ги има веќе 18 во државава, ова станува минато.
„Ќе се скрати времето за чекање по шалтери за чекање по шалтери, ќе се скрати времето за патување во главниот град каде за определен документ ќе може и овде да се извади. Овде на располагање се вработени кои се многу љубезни кои секако стојат на располагање на нашите сограѓани и ќе е една придобивка како за кочани така и за општините Чешиново, Облешево и општина Зрновци“ изјави Влатко Грозданов, градоначалник на Кочани
Ваквите центри се особено значајни за повозрасната популација и за оние кои немаат можност самостојно да ги користат онлајн услугите.
