Кампањата се уште не е ниту започната, а веќе се забележуваат неколку примери каде има индиции за предизборни корупциски скандали, односно поткуп на гласачи кој според медиумите го спроведува власта. Последниот пример каде се појавуваат сомнежи дека владејачката СДСМ, ја злоупотребува моќта од позиција на власт, беа забележани во Прилеп. А она што претставува дополнително прекршување на законот е злоупотреба на државни ресурси во предизборни партиски цели.
Во тек на викенд, после работно време, на социјалните мрежи се појавија фотографии, на кои се тврди дека е фотографирано службено комбе на Јавната установа Дом за стари лица „Киро Крстевски- Платник“ од Прилеп. На нив се забележува како наводно активисти на СДСМ складираат вреќи во еден од своите штабови, лоциран во населбата „Ѓогдере.“
Пред неколку дена индиции дека власта предизборно поткупува гласачи имаше и во Шуто Оризари,барем според видеото насловено „Организиран поткуп на гласачи од структури на МВР и пратеници од СДСМ“. На снимките се слуша како вработен во МВР собира податоци од Роми, на кои им ветува „хуманитарен пакет“ од 1.700 денари ако гласаат за Љатифе Шиковска, која е на пратеничката листа на СДСМ во втората изборна единица. Полицијата веќе го идентификуваше лицето од видеото .Утвредно е дека се работи за лицето Ш.Е. од Скпје, кој е вработен во Одделението за управни служби во МВР.
Сомнежи дека власта врши предизборен поткуп се појавија уште пред два месеца, кога во Струмица, во тек на полициски час поради корона кризата, се делеа донации од семејството Заеви.
Матеја Петровски
