Претседателот на иранскиот парламент и главен преговарач, Мохамед-Багер Калибаф, ги оспори тврдењата на САД дека презеле контрола врз Ормускиот Теснец, укажувајќи притоа на сè уште високата цена на нафтата. Тој наведе дека нафтата се тргува по цена за околу 35 долари за барел, повисока од нивото пред војната.
„Или пазарот е глупав, или американската пропагандна машинерија ја фалсификува реалноста“, напиша Калибаф на мрежата „Икс“, на англиски јазик.
Американскиот претседател, Доналд Трамп, во саботата изјави дека САД имаат целосна контрола врз Ормускиот Теснец и го отфрли најновиот мировен предлог на Техеран како „неприфатлив“. Трамп истакна дека САД „убедливо победуваат“, додека Иран трпи огромни загуби поради американската поморска блокада и економските мерки.
