Да се избегнат блокади во Собранието и да се заборави на навиките од минатото. За законите треба да се дебатира во Парламентот и да се поднесуваат амандмани, со крајна цел тие да станат подобри, вели претседателот на македонското Собрание Африм Гаши, по повод најавената блокада на опозициските пратеници на претстојната седница закажана за 10 јуни, на која ќе се претстави предлог-законот за правична застапеност.
Овој закон ќе треба да го замени балансерот, кој пред две години беше укинат од Уставниот суд.
Изјава Африм Гаши – претседател на Собрание
–Што се однесува до блокади, не мислам дека тоа е начин да дојдеме до поквалитетни закони, ако ние целт поквалитетни закони. Можеме да дебатираме да предлагаме, еве имаме свикано јавна дебата по овој закон. Да ги слушнеме експертите, правниците, ајде да го подобриме законот, а не да блокираме. Но, сепак, како да не можеме да останеме имуни на навиките од минатото. Можеби ќе ни треба повеќе време за зголемување на политичката култура. Јас ги повикувам сите пратеници да работиме заедно за одобри закони, вели Гаши.
Спикерот го презентираше отчетот на тоа што законодавниот дом го има сработено во изминатите две години, посочувајќи дека со помал број на седници, донесени се поголем број на закони, со што е подобрена ефикасноста на оваа институција.
–Се разбира две години не се доволни за да се исполнат сите цели, пред на има уште многу работа, уште многу реформи, што мора да се продлабочат и уште очекувања на граѓаните што трба да се исполнат. Но, цврсто верувам дека поставивме стабилни темели, врз кои можеме да продолжиме да градиме. Во ова двегодишно патување уште подобро разбравдека институциите не мжат да бидат зајакнати од поединец – изјави Гаши.
Според официјалниот извештај, во овој двегодишен период биле одржани вкупно 196 пленарни седници, усвоени се 710 акти и реализирани се 29 седници посветени на пратенички прашања, од кои 16 редовни. На меѓународен план, Собранието забележало 212 билатерални и 48 мултилатерални активности.
Срѓан Ивановиќ