Израелската војска утринава објави дека започнала нова голема операција против палестинските вооружени групи на окупираниот Западен Брег. Од израелските одбранбени сили велат дека „нема да дозволат тероризмот да се вкорени“ и дека делуваат проактивно за да го спречат.
За агенцијата АФП велат дека ова не е продолжение на операцијата започната во јануари, туку нова акција, без да откријат дополнителни детали. Насилството на Западниот Брег ескалираше по почетокот на војната во Газа, која започна по нападот на Хамас врз јужен Израел на 7 октомври 2023 година. И покрај примирјето во Газа од 10 октомври годинава, тензиите на Западниот Брег продолжуваат со несмален интензитет.
