Иран го нападна Оман, земја со која е во пријателски односи. Оманскиот центар за поморска безбедност соопшти дека нафетниот танкер „Скајлајт“, кој плови под знамето на Палау, бил нападнат при што четири лица се ранети, а целиот екипаж од 20 луѓе е евакуиран.
Оманските државни медиуми претходно јавија дека пристаниште Дукм било нападнато со два дрона, при што бил повреден еден работник. Оман го осуди нападот и нагласи дека ќе ги преземе сите неопходни мерки за да ја заштити земјата и безбедноста на нејзините жители.
Оман дејствуваше како посредник во индиректните преговори одржани на почетокот на неделава меѓу САД и Иран.
