Израелската војска продолжува со својата жестока копнена офанзива и тврди дека ја пробила првата линија на одбраната на хамас.
„Израелските одбранбени сили напредуваа длабоко во Газа и сега се пред портите на градот Газа. Во ноќешните операции се убиени десетици терористи“, се вели во соопштението на ИДФ, каде меѓудругото, потенцираат дека бројот на израелски војници загинати во копнените борби во Газа се искачи на 17.
Министерот за одбрана Јоав Галант кажа дека Израел исфрлил над 10.000 парчиња муниција само на градот газа од почетокот на конфликтот.
Од друга страна, Хамас тврди дека најмалку 195 палестинци загинале во израелскиот воздушен напад на бегалскиот камп Џабалија, а уште 120 се водат како исчезнати.
