Светска здравствена организација соопшти дека се пријавени девет нови случаи на хантавирус поврзани со крузерот, од кои седум се потврдени.
Сите патници се евакуирани од бродот, кој по симнувањето на последните патници и дел од екипажот заминал од Тенерифе кон Холандија. Новите позитивни случаи се регистрирани меѓу евакуираните патници.
Во Шпанија, еден од 14 патници во Мадрид бил прелиминарно позитивен на ПЦР тестот, но е без симптоми и во добра општа состојба. Во Франција, една од петте евакуирани француски државјанки исто така е позитивна, откако развила симптоми за време на летот за репатријација.
Во САД под здравствен надзор се 18 лица на две локации, меѓу кои има еден позитивен случај и едно лице со симптоми. Во Холандија, пак, 12 вработени во универзитетски медицински центар се ставени во шестнеделен карантин како мерка на претпазливост, поради пропусти во постапувањето со примероци од пациент заразен со хантавирус.
Досега тројца патници починаа, а кај двајца од нив е потврден хантавирус. Андскиот вирус најчесто се пренесува преку глодари, но е единствениот познат хантавирус кај кој е можно ограничено пренесување од човек на човек.
СЗО нагласува дека нема докази оти ова може да прерасне во пандемија како Ковид-19, но предупредува дека кај тешките случаи лекувањето и закрепнувањето можат да бидат долготрајни.
