Грипот ја зема првата жртва годинава – пред три дена на Инфективната клиника починала 75-годишна жена

Грипот ја зема првата жртва годинава. Имено, на Клиниката за инфективни болести во Скопје, пред три дена починала 75-годишна жена. Кај неа докторите потврдиле присуство на вирусот на грип од типот А. Таа имала повеќе коморбидитети и не била вакцинирана.

Лекарите од Инфективната клиника велат дека повозрасните кои имаат и други хронични заболувања се најмногу на удар на грипот, особено оние кои не примиле вакцина. Инфектолозите пикот го очекуваат на крајот на месецот.