А кандидатот за градоначалник на Скопје од коалицијата предводена од ВМРО-ДПМНЕ, Орце Ѓорѓиевски, вели дека има визија и план како да го реши сообраќајниот хаос во главниот град.
„Планираме изградба на катни гаражи на критичните локации, особено околу болниците, училиштата и централните урбани зони каде хаосот со паркирањето е секојдневие. Ќе се ревидираат сообраќајните решенија на најкритичните крстосници, ќе се отвораат нови пристапни улици и врски меѓу населбите, за да се намали метежот и луѓето побрзо да стигнуваат до својата дестинација. Сето ова, во комбинација со нови пешачки и велосипедски патеки, ќе создаде порамномерна и побезбедна распределба на сообраќајот. Со јасна стратегија, нови инвестиции и вистинско партнерство со граѓаните, можеме Скопје да го претвориме во град со современ, безбеден и ефикасен сообраќаен систем“, вели Ѓорѓиевски во интервју за „Нова Македонија“.
