Најмалку дванаесет лица загинаа во голем пожар што избувна во станбена зграда во јужнокинескиот град Шантоу, соопшти државната новинска агенција. Пожарот избувнал вчера околу 21:20 часот по локално време во четирикатница и бил ставен под контрола по околу 40 минути. Причината за пожарот засега не е позната, а истрагата е во тек.
Инцидентот се случува во период на зголемена загриженост за безбедноста во станбените објекти ширум Кина, непосредно откако бројот на загинати во најсмртоносниот пожар во Хонг Конг во последните децении достигна 160 лица.
