Ексклузивна изложба на ракописи и старопечатени книги од Националната библиотека на Македонија која досега не е прикажана во Македонија е изложена во Св. Софија во Охрид.
Презентирани се оригиналните ракописи од 13, 14 и 16 век како и Тројазичниот речник од Ѓорѓија Пулевски кој годинава слави 150 години од своето издавање, како и делото на Крсте Петков Мисирков „За Македонцките работи“ од 1903 година.
Денеска, по повод 24 Мај – Ден на сесловенските просветители Св. Кирил и Методиј, во Св. Софија ќе се одржи свечена академија насловена „Светилник низ векови и за иднината“.
