Меѓународната финансиска корпорација (ИФЦ) која е дел од Светската Банка ја препознава Македонија како стабилен партнер, пред се со растот на економијата во првиот квартал, потврди Министерката за финансии Гордана Димитриевска Кочоска. Државава од финансиската институција очекува поддршка во модернизација на преносниот систем за струја, изградба на когенеративни централи, системи за складирање на струја и енергетска транизиција. Покрај очекуваната финансиска поддршка потребна е и поддршка во експертиза и менторирање на овие теми смета Кочоска.
„Во таа насока, ја поздравуваме поддршката за реализација на крупни инвестициски проекти, вклучително и развој на ветерниот парк кај Штип, како и инвестициите во индустриската модернизација и декарбонизација. Тие директно придонесуваат за нови работни места, трансфер на технологии и зајакнување на конкурентноста. Истовремено ги поздравуваме активностите на ИФЦ (IFC) за унапредување на инвестициската клима и поддршка на реформите кои ја зголемуваат атрактивноста на земјата за домашни и странски инвеститори и придонесуваат за повисок економски раст“, ијзави Кочоска
За меѓународните кредитори, растот на македонската економија дава сигурност и стабилност.
Со проценетиот раст од 3.5 проценти ова е одлична можност да се преточи макроекеономската стабилност во повеќе и посилни приватни инвестиции за поголем раст“, рече Вибке Шлоемер, регионална директорка на „ИФЦ“
Експертите од Светска Банка ја пофалија и македонската енергетска стратегија во моментов.
„Земјата има одличен потенцијал да произведе повеќе од сопствената енергија, со користење на домашни ресурси, особено ветерна и соларна енергија. И ова е важно бидејќи побарувачката за електрична енергија се предвидува да порасне за 26 проценти до 2040 година“, додаде Шлоемер.
Македонија има знаење и експертиза во делот на производството, особено со знаењето кое го донеле странските компании во државава. Со самото тоа кредиторите очекуваат дополнителен раст на економијата, но и можности за повисоко ниво на додадена вредност, како и проширување на екосистемот со комбинација на извоз од домашни и странски компании.
