Фатмир Битиќи бил високо морална личност, ова е оправдуањето на македонската Влада, зошто го предложелиле вицепремиерот за економски прашања да биде дел од арбитражното тело на Светска Банка, каде доколку биде ангажиран за одреден спор би имал саатница од 500 долари. Од Илинденска се правдаат дека немало проблем со предложувањето на Битиќи, бидејќи никаде не било наведено дека постои несповиост на политичка функција со можноста да се биде дел од ова тело.
-Во членот 14 од Конвенцијата е наведено дека луѓето кои се назначени да бидат во Панелот на арбитри треба да бидат високо морални личности и да имаат високо развиени компетенции во областа на правото, трговијата, индустријата или финансиите кои може да им се довери да одлучуваат (арбитрираат) во дадени предмети, велат од Владата.
На Илинденска како да не го гледаат делот од Конвенцијата на ова арбитражно тело, каде се вели дека истото треба да биде деполитизирано.
-ICSID е независна, деполитизирана и ефективна институција за решавање спорови. Нејзината достапност до инвеститорите и државите помага да се промовираат меѓународните инвестиции преку обезбедување на увереност во процесот на решавање спорови, се вели во Конвенцијата.
Од Владата се правдаат и дека станувало збор континуитет. Во 2017-та на позиција арбитар во ова тело бил и тогашниот вицепремиер Владимир Пешевски.
Инаку, за секој час работа доколку биде ангажиран, на сметката на Битиќи ќе легнат 500 долари, додека пак 250 долари по час му следуваат и за времето додека е во авион и патува кон централата на Светската Банка. Ако случајно и во авион има некаква активност поврзана со ова тело наместо 250, ќе добие по 500 долари за еден час.
Матеја Петровски
