А однесувањето на Европската Унија и гласањето во Европарламентот успеа да го изнервира дури и потписникот на Преспанскиот договор, екс-министерот Никола Димитров.
Човекот кој со еден потпис го промени името на државата – потег што за многумина во Македонија претставува предавство и капитулација пред уцените на соседите – сега, во улога на патриот, го критикува Брисел дека користел наратив што бил недостоен за Европа.
„Бугарија гордо го грабна вето-то, откако тоа прво ни беше ставено од Франција – ужасна геостратешка грешка на Париз. И сега, наместо да зборуваме за реформи, заглавени сме со срамни прашања од минатиот век, со наратив што едноставно е недозволив во 21 век во Европа – некој друг да ми кажува кој сум и каков јазик зборувам“, порача Димитров, на „СИМИ симпозиумот“ што се одржува по 27-ми пат во Грција.
Само за потсетување, Димитров како министер за надворешни работи, и покрај противењето на мнозинството Македонци, го потпиша Договорот од Преспа, што според експертите претставуваше своевидна капитулација на Македонија пред уцените на Грција – договор кој ѝ даде мотив и сила на Бугарија да го прави тоа што го прави денеска во однос на македонската евроинтеграција.
