Европската унија порача дека е подготвена за „секакво сценарио“, откако Доналд Трамп најави можност за зголемување на царините за европските автомобили, додека Брисел предупредува на можен трговски судир со Вашингтон.
Европската унија е„ подготвена за секакво сценарио“ доколку претседателот на САД Доналд Трамп ги зголеми царините за европските автомобили, изјави претседателката на Европската комисија, Урсула фон дер Лајен.
Тврдејќи дека Унијата не го почитува договорорт, Трамп се закани дека ќе ги зголеми царините за европските возила од 15 на 25 проценти.
Според Фон дер Лајен, Унијата е во „завршна фаза“ на спроведување на трговскиот договор со САД, кој требаше да ги укине царините на низа американски производи и да ги намали царините на европските автомобили.
„Договорот е договор и ние го имаме. Неговата суштина е просперитет, заеднички правила и доверливост. Со овој договор сакаме да постигнеме взаемна корист, соработка и доверба. Подготвени сме за секакво сценарио“, изјави Урсула Фон дер Лајен, претседателка на Европската комисија
Се обрати и претседателот на Европскиот совет Антонио Кошта, кој рече дека 27-те земји-членки „целосно“ ја поддржуваат работата на Комисијата.
Зканата на Трамп се поврзува со коментарите што неодамна ги даде германскиот канцелар Мерц, кој рече дека Иран ги „понижил“ САД во војната. Германија е најголемиот прозводител на автомобили во Европа, и оттука би била прва на удар на евентуалното зголемување на царините за извоз во САД.
Брисел бара „јасност„ од Вашингтон за причината на заканата, нагласувајќи дека Унијата е подготвена соодветно да одговори.
