До мај Европа би можела да се соочи со недостиг на дизел и авионско гориво

Европа би можела да се соочи со недостиг на дизел и авионско гориво најдоцна до мај, предупреди директорот на Меѓународната агенција за енергија, Фатих Бирол. Според него, актуелната глобална енергетска криза е посериозна од нафтените шокови во 1970-тите и кризата со гасот од 2022 година. Најголем удар трпат азиските пазари, додека Европа сè уште е во рана фаза на последиците. Според проценките, испораките од регионот се намалени за повеќе од 12 милиони барели дневно, што веќе создава сериозни притисоци на пазарот.