За првпат, во Собранието е предвидено работно место „Советник – толкувач за знаковен јазик“. Со ова се создаваат подобри услови за глувите и наглувите лица полесно да комуницираат и да ги остваруваат своите права во институцијата.
Ова го соопшти генералната секретарка на Собранието, Марина Димовска, во пресрет на Меѓународниот ден на знаковните јазици.
Таа вели дека ова е конкретен чекор кон создавање поотворено и подостапно Собрание за сите граѓани.
„Како генерален секретар, ќе продолжам да работам на унапредување на стандардите, практиките и условите што го прават Собранието поотворена, подостапна и поинклузивна институција за сите граѓани“, објави Димовска.
Димовска најавува дека и понатаму ќе се работи на подобрување на условите за пристап до институцијата, со цел инклузијата да стане дел од секојдневното функционирање на Собранието.
