Претседателката Гордана Сиљановска-Давкова, денеска лично ќе и го честита на Радмила Шеќеринска назначувањето за заменик генерален секретар на НАТО.
Како што објави претседателката на нејзината фејсбук страница, таа остварила телефонски разговор со Шеќеринска во кој ја поканила на средба за да и го честита изборот.
„Сметам, дека е најдобро лично да и изразам честитки за престижната функција која е од големо значење, не само за неа туку и за државата“, напиша Сиљановска.
И премиерот Христијан Мицкоски, рече дека Владата ја поддржала кандидатурата на Радмила Шеќеринска за заменик генерален секретарк на НАТО. Премиерот посочи дека за Владата на прво место се националното единство и националните интереси.
