Половина од македонските граѓани се активни пушачи на цигари. Според статистиките на Институтот за јавно здравје, 50% од луѓето се најголеми консуматори на тутунот во споредба со жителите од југоисточна Европа, каде просекот на пушење е околу 20%. Македонија е една од првите 10 држави во светот со испушени цигари на човек, а статистиката за младите пушачи од 13 до 15 години изнесува 13%. Проблем е и тоа што помладата популација се повеќе се фаќа за цигара.
Од СЗО алармираат дека дополнителен проблем се и електронските цигари, затоа што со нив се намалува границата за употреба на тутун, па многу деца под 15 години и порано, се навлекуваат на оваа зависност. Од Министерството за здравство информираат дека во тек се подготовките на нов закон или дополнување на стариот со цел да се намали бројот на пушачи во Македонија.
