Цените на нафтата растат по заканите на Трамп за нови напади врз Иран

Цените на нафтата на светските берзи пораснаа денеска, откако американскиот претседател Доналд Трамп упати нови закани за можна воена акција против Иран, што ги зголеми стравувањата од нарушување на глобалното снабдување. Цената на нафтата „Брент“ за испорака во јуни надмина 111 долари за барел, што е за речиси 40 долари повеќе во споредба со периодот пред конфликтот. Цената на нафтата на глобалниот пазар би можела да надмине 150 долари за барел во следните две недели, изјави Кирил Дмитриев, специјален претседателски пратеник и генерален директор на Рускиот фонд за директни инвестиции.