Во четврток во Лондон вицепремиерот Александар Николоски ќе стави потпис на договорот Влада со Влада со Обединетото кралство, со што Македонија ќе добие на располагање шест милијарди евра за капитални проекти. Ова било одлучено на денешната Владина седница откако министрите го прифатија меѓувладиниот договор. Станува збор за финансиска рамка која државава може и но не мора да ја искористи целосно. Првиот циклус инвестиции ќе е во железничката инфраструктура и во здравството во висина од околу 2.2 милијарди евра
Станува збор за проектно финансирање по половни услови уверува вицепремиерот и министер за транспорт Александар Николоски. Деталите треба да се прецизираат по поптишувањето во Лондон со што ќе се знае правната рамка. Според досегашните информации финансирањето и враќањето на парите ќе зависи меѓудругото од реализацијата на проектите. Заложбите на Владата се да се постигне договор кој ќе дозволи да се почне со враќање на парите откако проектот ќе стане профитабилен, односно грејс периодот да е еднаков на времето потребно за завршување на проект.
Според Николоски каматната стапка ќе е подобра од било кој заем го добила државава претходно. Моментните проекции за вредноста на првите проекти се дека пругата од Табановце до Гевгелија треба да чини 1.9 евра, додека, клиничките болници во Штип, медицинскиот факултет во Штип и студенски дом во Штип и реконструкцијата на болницата во Кичево ќе чинат околу 200 милиони евра.
