Министерот за јавна администрација, Горан Минчев, по повод големиот христијански празник Велигден упати честитка до православните верници.
-По повод големиот христијански празник Велигден, дозволете ми да Ви упатам искрени честитки со желби за здравје, мир и благосостојба во секој дом. Нека празникот на Христовото Воскресение донесе надеж, љубов и нова енергија за заеднички напредок. Во духот на солидарноста и меѓусебната почит, да продолжиме да градиме општество засновано на вредности, доверба и посветеност кон граѓаните. Ви посакувам празничните денови да ги поминете во кругот на најблиските, исполнети со радост, топлина и убави моменти. Христос Воскресе! Навистина Воскресе! , стои во честитката од министерот Минчев.
