Астронаутите на Артемис се на половина пат до Месечината

Мисијата Артемис II е на околу половина пат до Месечината. Кога астронаутите ќе пристигнат, тие ќе спроведат лунарен прелет и ќе соберат научни набљудувања на површината на Месечината, објави НАСА. Вселенското летало „Орион“ сега се наоѓа поблиску до Месечината отколку до Земјата. Тројцата американски и еден канадски астронаут, кои се на десетдневна мисија, се чувствуваат добро. НАСА веќе ги сподели првите фотографии од Земјата со висока резолуција направени од екипажот.