Триесетдневен притвор, му изрече Основниот суд, во Кочани, на соопственикот на агенцијата за обезбедување, Александар Нацев. Тој, е осомничен откако Обвинителството, ја прошири истрагата во врска со трагедијата во дискотеката „Пулс”, во Кочани. Се товари за тешки дела против општата сигурност. Според доказите Нецев, е реалниот сопственик на агенцијата „Рубикон”, која кобната ноќ, го обезбедувала локалот. Тој, цело време раководел со деловниот потфат заедно со веќе осомниченичениот управител и овластеното лице на подружницата во Кочани. Без склучен договор за 2025 ја обезбедувал дискотеката, а прекршени се и неколку членови од Законот за приватно обезбедување. Немале направено безбедносна проценка и план за обезбедување, ниту пак план за евакуација.
Во текот на вечерта кога настанал пожарот не контролирале и овозможиле влез на деца во објектот, не воделе грижа за преполнетоста на капацитетот за посетители во објектот, не спречиле внес и користење на експлозивни материи-пиротехнички средства…
Врз основа на судска наредба завчера е извршен претрес на лоакации во Скопје и Пробиштип, како и во автомобилот на Нацев, при што е одземена документација и електронски уреди. Во досегашната истрага за тешки дела против општата сигурност осомничени се вкупно 46-мина. Истрагата продолжува и за 14 полициски службеници, за кои се уште се собираат докази.