Се проширува акцијата за откривање нелегален увоз на ботокс и филери. Од Основно јавно обвинителство најавуваат нови претреси низ целата држава. Неофицијално, станува збор за увезени ботокси и филери од Турција, Србија и Кина, кои немале одобрение од надлежен орган, ниту упатства и декларации.
Во текот на вчерашниот ден имаше претреси и апсења во Скопје, Битола и Струмица. Уапсени се повеќе лица, дел од нив вработени како лекари на скопските клиники, како и сопственици на дерматолошки ординации.
Акцијата е резултат на постоење основи на сомневање за сторени кривични дела – злосторничко здружување, повреда на права од индустриска сопственост, неовластена употреба на туѓа фирма и примање поткуп, велат од обвинителството.
