Недопустливо е администрација која работи со ПИМ мерки , обврзана со тајност во работењето да биде заборавена од државата, аламира Синдикатот на оваа гранка. Барат повисоки плати, признавање на степен на образование, потпишување на колективен договор, дополнување во исплаќање на дежурства, додатоци на плати. Тврдат дека во изминатиот период само им се зголемиле обврските,но не и надоместокот.
„Слух за решавање на нашите проблеми нема. Дали е проблем во министрите за финансии и правда или се нема воља ? Бараме да ни се исполнат правата што ни следат по закон. Буквално ако може така да се изразам, кај нас навистина се кршат сите работничка права„- изјави ИЗАБЕЛА ИЛЕВА, веи претседателката на синдикалната организација на Јавни обвинителства..
Поради немање на доволно кадар, добар дел од вработените се принудени да работат и на по две работни места. Недостасуваат возачи, записничари, објаснуваат од синдикатот посочувајќи дека за три пати треба да се зголеми бројот на вработени.
„Стварно е небулозно кога ќе размислите дека е пренатрупана јавната администрација, а кај нас нема вработувања е стварно страшно и жално„ -објаснува Илиева.
Од синдикалната организација најавија доколку и понатаму продолжат да ги игнорират ќе бидат принудени да преземат порадикални мерки. Како една од опциите што се разгледува е и организирање на штрајк.
Александра Ристевска
